نداااااااء..... أرجع ياريس

أرجـع يـا ريــس علشان....
الأسباب الأتيه:
أرجع ياريس قبل العيد عشان نعرف نقول عيد مـــبـارك
أرجع ياريس مش لاقيين أسم لمحطة رمسيس في المترو
أرجع ياريس..تقريبآ نسيت نور الصالون في القصر مفتوح
أرجع لحسن شكلك هايبقي وحش قدام السادات وعبدالناصر_لما يسألوك مشيت أزاي؟
أرجع ياريس.. وحشنا ابنك جـمـــال
أرجع عشان ننزل التحرير تاني وناكل كنتاكي
أرجع.. احنا قطعنا الغاز عن اسرائيل وبقو يطبخو علي الفحم
طب أرجع ياريس والي اتـــفـرم يتصلح
أرجع ياريس...شارع صلاح سالم بقالو كتير مابيوقفش
أرجع ياريس دكاترة الضغط والسكر والقلب مابقوش لاقيين شغل
طب ارجع عشان تامر حسني...او تامر أمين..
أرجع ياريس انا بقيت بتكلم في السياسه براحتي
ارحمنا وارجع بقي..مين هايغير 620ألف مشروع ومدرسه بإسم سعادتك؟؟؟؟؟
أرجع ياريس شكلنا هنبقي من الدول المتـــقـدمه
ارجع بقي ده حتي هاله سرحان رجعت،يرضيك كدا يعني؟؟
ارجع بجد،دلوقتي لما مبيعجبناش وزير بنغيره،المسؤلين هايشحتو من بعدك!
ياريس ارجع انا خايف رغيف العيش يكبر واحنا ناويين نعمل دايت
ارجع ياريس،الإخوان بقو بيطلعو في التلفزيون الحكومي طب بص...بلاش انت ترجع..بس جــمــال و عـــلاء لازم يرجعو اصل منتخبنا مش هايعرف يلعب ماتش كوره منغير مايشوفهم في المدرجات
طب وحيات ماما سوزان لترجع
انا قولتلك..وانت حر بقي...